Троица 2022: тексты и аудио праздничных молитв

В воскресенье, 12 июня, православные украинцы будут отмечать один из самых главных церковных праздников - Троицу.

"Апостроф" собрал тексты и аудиозаписи праздничных молитв в этот день.

Молитвы Пресвятой Троице Пятидесятнице

***

Пресвятая Троице, помилуй нас;

Господи, очисти грехи наша;

Владыко, прости беззакония наша;

Святый, посети и исцели немощи наша, имене Твоего ради.

Господи, помилуй. Господи, помилуй. Господи, помилуй.

Слава Отцу и Сыну и Святому духу и ніне и присно и во веки веков.

***

Пресвятая Троице, единосущная Державо, всех благих Вина,

что воздадим Тебе за вся, яже воздала еси нам грешным и недостойным прежде,

неже на свет произыдохом, за вся, яже воздаеши коемуждо нас по вся дни,

и яже уготовала еси всем нам в веце грядущем!

Подобаше убо, за толикия благодеяния и щедроты, благодарити Тя не словесы точию,

но паче делы, храняще и исполняюще заповеди Твоя:

мы же, страстем нашим и злым обычаем внемше,

в безчисленныя от юности низвергохомся грехи и беззакония.

Сего ради, яко нечистым и оскверненным, не точию пред Трисвятое лице Твое безстудно явитися,

но ниже имени Твоего Пресвятаго изрещи довлеяше нам, аще бы не Ты Сама благоизволила,

во отраду нашу, возвестити, яко чистыя и праведныя любящи,

и грешники кающияся милуеши и благоутробне приемлеши.

Призри убо, о Пребожественная Троице, с высоты Святыя Славы Твоея

на нас, многогрешных, и благое произволение наше, вместо благих дел, прииими;

и подаждь нам духа истиннаго покаяния, да возненавидевше всякий грех,

в чистоте и правде, до конца дней наших поживем, творяще пресвятую волю Твою

и славяще чистыми помыслы и благими деяньми сладчайшее и великолепое имя Твое.

Аминь.

Молитвы Святому Духу Пресвятой Троицы

***

Царю Небесный, Утешителю всеблагий, Душе истины,

от Отца предвечно исходяй и в Сыне выну почиваяй,

независтный Источниче дарований Божественных, разделяя их коемуждо,

якоже хощеши, Им же и мы недостойнии освятихомся и назнаменани есмы в день крещения нашего!

Призри на молитву раб Своих, прииди к нам, вселися в ны, и очисти душы наша,

да будем уготовани в жилище Пресвятыя Троицы.

Ей, о Всеблагий, не возгнушайся нашея нечистоты и ран греховных,

но исцели я всеврачующим помазанием Твоим.

Просвети наш ум, да разумеем суету мира и яже в мире, оживи нашу совесть,

да неумолчно возвещает нам, яже подобает творити и яже отметати, исправи и обнови сердце,

да не источает прочее день и нощь помышлений злых и желаний неподобных,

укроти плоть и угаси росоносным дыханием Твоим пламень страстей,

имже помрачается в нас драгоценный образ Божий.

Духа праздности, уныния, любоначалия и празднословия отжени от нас,

подаждь же нам духа любви и терпения, духа кротости и смирения, духа чистоты и правды,

да, исправив разслабленныя сердца и колена, неленостно течем по пути заповедей святых, и тако,

избегая всякаго греха и исполняя всяку правду, сподобимся улучити кончину мирну и непостыдну,

внити в Иерусалим Небесный и тамо поклонятися Тебе, купно со Отцем и Сыном,

поя во веки веков: Троице Святая, слава Тебе!

Ранее мы рассказали о значении и главных запретах праздника Святой Троицы.